Nagbigay ng opisyal na pahayag ang Authority of the Freeport Area of Bataan (AFAB) kaugnay sa kalagayan ng mga fuel facilities sa loob ng Freeport Area of Bataan (FAB), partikular ang operasyon ng mga fuel stations ng Petron at Star Oil.
Ayon sa AFAB, pansamantalang sarado ang Petron fuel station dahil sa isinasagawang renovation works. Layunin ng naturang pagsasaayos na mapabuti ang pasilidad at serbisyo para sa mga locator, manggagawa, at mga bisita sa FAB, bilang bahagi ng patuloy na infrastructure development sa lugar.
Inaasahan namang magbabalik-operasyon ang Petron fuel station matapos makumpleto ang mga pagsasaayos, na nagpapakita ng tuloy-tuloy na maintenance at pagpapahusay ng mga pasilidad sa Freeport. Samantala, nananatiling hindi operational ang Star Oil fuel station mula pa noong nakaraang taon, bilang bahagi ng natural na pagbabago sa mga komersyal na pasilidad sa loob ng FAB.
Tiniyak ng AFAB na nananatiling matatag at tuloy-tuloy ang mga komersyal at industriyal na aktibidad sa Freeport Area of Bataan, na mahalaga sa paglago ng lokal na ekonomiya.
Sa pamumuno ni Administrator at CEO Hussein Pangandaman, muling iginiit ng ahensya ang kanilang pangako sa pagbibigay ng maayos na kapaligiran para sa negosyo at hinikayat ang publiko na umasa lamang sa beripikadong impormasyon mula sa opisyal na komunikasyon at mga akreditadong media partners ng AFAB.
The post AFAB naglabas ng pahayag hinggil sa estado ng fuel facilities sa FAB appeared first on 1Bataan.