Nanumpa kay Mayor Ron del Rosario si Punong Barangay Renan Torres bilang kapalit ng namayapang si Kap Jason “Barok” Nazareno, na ABC President ng Bagac. Samantalang pumalit naman bilang Punong Barangay ng Saysain, matapos ang libing ni Kap Barok, ang unang kagawad na ngayon ay si Punong Barangay Rolando P. Tabale, na nanumpa rin sa harap ni Mayor Ron del Rosario.

Ayon kay Mayor Ron del Rosario, ang panunumpa ng mga bagong talagang opisyal, ay simbolo nang tiwala ng mga mamamayan at panibagong pag-asa ng barangay at bayan.

Ipinaalala niya sa mga opisyal na pagtibayin ang kanilang dedikasyon sa pagseserbisyo sa kanilang mga kababayan, gayundin ang progreso sa kanilang barangay, siguruhin ang katahimikan at pagkakaisa na siyang susi ng kaunlaran hindi lang ng barangay kundi maging ng buong bayan.

The post Bagong ABC President ng Bagac, Bagong Punong Barangay ng Saysain, nanumpa appeared first on 1Bataan.