Pormal nang inilipat ng Philippine Statistics Authority (PSA) ang resulta ng Community-Based Monitoring System (CBMS) 2024 sa Pamahalaang Bayan ng Pilar, sa isang seremonya na ginanap noong ika-23 ng Marso 23 sa munisipyo ng nasabing bayan. Pinangunahan ang turnover nina Registration Officer II Maria Rosario C. Dela Rosa, Mayor Carlos F. Pizarro Jr., at Municipal Planning and Development Coordinator Rosario D. Escoto.

Ayon kay Mayor Charlie Pizarro, mahalagang hakbang ang nasabing turnover upang higit pang mapalakas ang data-driven governance sa bayan. Sa pamamagitan ng CBMS, inaasahang magkakaroon ng mas malinaw at komprehensibong datos hinggil sa kalagayan at pangangailangan ng mga residente.

Layunin ng CBMS na makapagbigay ng tumpak na impormasyon na magsisilbing batayan sa pagbuo ng mga programa at proyekto ng pamahalaan. Gagamitin ang mga datos upang matukoy ang mga prayoridad na sektor at masubaybayan ang progreso ng kaunlaran sa Pilar.

The post CBMS 2024 Data turnover sa Bayan ng Pilar appeared first on 1Bataan.