Lumagda sa isang Memorandum of Understanding (MOU) si Gov. Joet Garcia kasama ang mga kinatawan ng Earth Sourced Power Corporation at Ecobell Co. Ltd. para sa pagtutulungan sa larangan ng Carbon Market.

Ayon kay Gov. Joet, layunin ng nasabing unawaan na magkaroon nang maayos na sistema upang masukat at mapatunayan na nababawasan ang lebel ng polusyon sa pamamagitan ng mga isinusulong na programa tulad ng paggamit ng electric vehicles at solar energy.

Sinabi pa nang masipag na Gobernador na sa pamamagitan ng ugnayang ito, ay mababawasan ang gastos sa enehiya at transportasyon upang mas makatipid ang ating mga kababayan sa pang araw-araw na gastusin.

Kinakailangan lamang na katuwang natin ang pampubliko at pribadong sektor, patuloy nating tiyakin na kasabay ng pag-unlad ay ang maaayos at pangmatagalang pangangalaga sa kalikasan at kalusugan.

The post MOU, para sa Carbon Cooperation, nilagdaan appeared first on 1Bataan.