Pormal nang isinagawa ngayong Miyerkoles ang blessing at groundbreaking ceremony ng kauna-unahang FAB Registered Enterprise sa labas ng Mariveles Freeport Area of Bataan.

Ito ay ang Dinalupihan Woodlands Economic and Freeport Zone sakop ng Brgy. Pinulot, Dinalupihan.

Pinangunahan ang seremonya nina Bataan Vice Governor Cris Garcia, Bataan 2nd District Congressman Joet Garcia, Dinalupihan Mayor Gila Garcia, AFAB Administrator Emmanuel Pineda at mga investors sa pangunguna ni Atty. Elmer Sy.

Sa ginanap na business presentation sa Bulwagan ng Dinalupihan ay tiniyak ni Mayor Gila Garcia sa panayam ng local media na aabot sa 100,000 bagong trabaho ang malilikha sa susunod na limang taon kapag natapos na ang mga pasilidad ng mga locators dito sa pangunguna ng SINOSUN Group of Companies at iba pang investors sa larangan ng financial services, housing, manufacturing, renewable energy, at modern agriculture.

Samantala, tinatayang nasa P200 million buwis ang kikitain ng LGU-Dinalupihan mula sa RPT o real property taxes mula sa mga locators ng naturang Freeport zone.

The post 𝗗𝗶𝗻𝗮𝗹𝘂𝗽𝗶𝗵𝗮𝗻 𝗪𝗼𝗼𝗱𝗹𝗮𝗻𝗱𝘀 𝗘𝗰𝗼𝗻𝗼𝗺𝗶𝗰 𝗮𝗻𝗱 𝗙𝗿𝗲𝗲𝗽𝗼𝗿𝘁 𝗭𝗼𝗻𝗲, 𝗽𝗶𝗻𝗮𝘀𝗶𝗻𝗮𝘆𝗮𝗮𝗻 𝗻𝗮! appeared first on 1Bataan.