Isa ang Red Cross Bataan sa mga tumanggap ng Blood Samaritan Award mula sa 2nd Central Luzon KADUGO Recognition Ceremony na ginanap sa Royce Hotel and Casino, Clark Pampanga nitong buwan ng Nobyembre.

Sa pangunguna ni Cong Jett Nisay, Chairman of the Board, kasama si Bataan Red Cross Admin Chapter- Charlie Gatbonton at mga board members Ang Red Cross Bataan ay kinilala sa kanilang mahusay na pagganap sa kanilang tungkulin lalo na sa ating mga kababayan na nangangailangan ng dugo.

Ang Central Luzon KADUGO Regional Recognition Ceremony ay ginaganap taun-taon bilang pagbibigay halaga sa mga benefactors at supporters ng National Voluntary Blood Services Program.

Sinabi ni Cong Jett na ang parangal na kanyang tinanggap ay hindi lamang para sa kanya kundi sa lahat ng mga volunteers, mga taong tumulong, nagmamalasakit upang madugtungan ang buhay ng ating mga kababayan sa pag aalay ng dugo. Nagpasalamat din si Cong Jett sa Phil. Red Cross at sa lahat ng naging bahagi ng nasabing programa na walang sawang nagbibigay ng serbisyo sa komunidad.

The post Blood Samaritan Award, tinanggap ni Cong. Jett Nisay appeared first on 1Bataan.