Personal na dinalaw ni Hermosa Mayor Anne Inton ang mga daycare centers sa Barangay Sacrifice Valley, Bamban, at Almacen noong Hulyo 11, 2025 upang mamahagi ng mga gamit pang-eskwela at kaunting pagkain sa mga mag-aaral at guro.

Ang gawaing ito ay bahagi ng paghahanda ng lokal na pamahalaan para sa nalalapit na balik-eskwela, bilang suporta sa edukasyon ng kabataang Hermoseño.

Nagpahayag ng pasasalamat si Mayor Inton kina Municipal Executive Assistant Luz Samaniego, MSWDO Officer Chasmalin Francisco, at ECCD Focal Person Jeniline Lapid sa kanilang aktibong pakikiisa sa programa. Ayon sa alkalde, sa tulong ng pagkakaisa at malasakit ng bawat isa, mas higit pang mapapalakas ang kampanya para sa dekalidad at makabuluhang edukasyon sa bayan ng Hermosa.

The post Day Care pupils sa Hermosa, tumanggap ng libreng gamit pang-eskwela appeared first on 1Bataan.