Pormal nang nanumpa sa tungkulin ang mga bagong halal na opisyal ng Girl Scout of the Phil-Bataan Chapter Triennium 2024-2027 sa temang ” From Legacy to Future”, na ginanap sa Bulwagan ng mga Bayani at Banal, DepEd building sa bayan ng Abucay.

Sa kanyang opening remarks nagpasalamat si outgoing president,Ms. Evelyn Mendoza sa lahat , lalo na sa pagkahirang sa GSP Bataan bilang Outstanding Council Board sa taong ito.

Samantala, isang magandang mensahe naman ang ibinigay ni Dr. Carolina S. Violeta, Schools Division Superintendent ng Bataan na sumentro sa tema, na ayon sa kanya, “what legacy do we want to leave, the desire to leave a mark in the world to be remembered long after we’re gone.” Subali’t higit na ikinatuwa nang lahat ang sinabi niyang ire-request niya sa darating na school board meeting na mabigyan ng tig-500k ang girl scout at boy scout sa lalawigan para sa kanilang mga activities.

Nahalal na mga bagong officers sina, Vice Mayor Vianca Gozon bilang Pangulo; Ms. Estrella dela Rosa bilang VP for International Participation; Josefina Tolentino bilang VP for Field; Marita Navata bilang VP for Development; Arcele Servera-Secretary; Lani Gamit- Asst. Sec; Jacqueline Tuazon- Treasurer; Mila Calma- Asst Treas; Adoracion Fernando- Auditor; Leonory Canare- Commissioner on Program; Luduvina Omania- Commissioner on Training Ang inducting officer ay si GSP Regional Chairperson, Ma. Victoria Sy- Alvarado kasama si GSP Regional Executive Director, Angelita Manalili.

Sa kanyang acceptance speech, sinabi ni Vice Mayor Vianca Gozon, na bata pa siya ay pinangarap na niya na maging girl scout dahil sa kanyang lola, subali’t sa pagkakahalal niyang Pangulo, medyo kinabahan umano siya dahil baka hindi niya mapantayan ang mga award na nakuha ng nakaraang mga officers, but she looks forward serving with the support of everybody, she’s ready to take the road.

The post “From legacy to future”, tema sa Induction ng GSP officers appeared first on 1Bataan.