Upang masiguro ang kanilang kaligtasan sa tuwing sila ay gumaganap ng kanilang tungkulin, sisimulan nang gamitin ng mga Barangay Tanod ng Barangay San Carlos, Mariveles, ang mga bagong biling body cameras para sa kanilang operasyon.

Ayon kay Punong Barangay at Municipal Councilor-elect Ivan Ricafrente, ito ay upang masiguro din ng Pamahalaang Barangay ng San Carlos na hindi nagpapabaya at hindi abuso sa tungkulin ang kanilang mga kawani.

At kung sakaling may reklamo laban sa kanila, madali itong mapatunayan o mapasinungalingan sa pamamagitan nang hindi nagsisinungaling na ebidensya: ang mga actual videos na nakunan ng kani-kanilang body cameras.

Dagdag pa ni Ricafrente, prayoridad din ng Pamahalaang Barangay ng San Carlos na pangalagaan ang kapakanan ng kanilang mga kawani na araw-araw ay itinataya ang kanilang buhay at kaligtasan para mapangalagaan ang kabutihan at kaligtasan ng lahat.

The post Watchmen, gumagamit na ng body cameras appeared first on 1Bataan.