Sa kabila ng matinding unos na dala ng nakaraang halalan, may ilang magkapareha sa pagka-mayor at vice mayor sa Bataan ang hindi natinag dahil sa kanilang magandang track record sa panunungkulan.

Kabilang dito ang mag-amang Mayor Nelson David at kanyang anak na si Vice Mayor Richie David ng Limay. Hindi naigupo ang mag-ama ng mga katanggali na magkamag-anak din na sina Ver Roque na kumandidatong mayor at Robert Roque na bumalik at humabol para vice mayor.

Nanalo rin ang magtiyuhin na sina Mayor Antonio “Tonypep” Raymundo at pamangkin nitong si Vice Mayor Rex Fuster ng bayan ng Orion na kapuwa nasa ikatlong termino na.

Sa bayan naman ng Bagac nanalo sa kanyang pangalawang termino si Mayor Ramil del Rosario at pamangkin nito na si Vice Mayor Ron del Rosario.

Lahat sila ay kumandidato sa ilalim ng 1Bataan Team ni Gob. Albert Garcia na naproklama kamakailan bilang nanalong Kinatawan ng Ikalawang Distrito ng Bataan.

The post Hindi natinag na mga tandem sa Eleksyon 2022 appeared first on 1Bataan.