Pinangunahan ng Department of Trade and Industry (DTI) at Bataan Peninsula State University (BPSU) ang paglulunsad ng Shared Service Facility Fabrication Laboratory (SSF FabLab) sa BPSU Main Campus.

Ang FabLab ay nilagyan ng makabagong kagamitan tulad ng 3D printers, teknolohiyang 3D para sa mga aplikasyon sa medisina, iba’t ibang uri ng makinarya sa pag-imprenta, pati na rin mga kasangkapan para sa pagbuo ng produkto at pagpoproseso ng packaging.

Sa ilalim ng pamumuno ni BPSU President Ruby Matibag, patuloy na pinalalakas ng unibersidad ang inobasyon at suporta sa lokal na industriya. Ang pagtatayo ng FabLab ay patunay ng pangako ng BPSU na mapabuti ang kahusayan, pagiging malikhain, at kakayahang makipagsabayan ng mga negosyong Bataeño sa merkado.

The post BPSU, DTI inilunsad ang SSF FabLab appeared first on 1Bataan.