Nagpulong ang mga pinuno ng Authority of the Freeport Area of Bataan (AFAB) at ng lokal na pamahalaan ng Mariveles upang patatagin ang kanilang ugnayan sa pamamagitan ng Mariveles-AFAB Partnership Steering Committee (MAPSC).

Tinalakay sa pagpupulong ang mahahalagang usapin tulad ng pabahay, pang-ekonomiyang usapin, seguridad, at iba pang mga proyektong pangkaunlaran ng LGU. Sinuri rin ng komite ang mga kahilingan ng lokal na pamahalaan at isinapinal ang mga bagong miyembro ng steering committee.

Sa pamamagitan ng aktibidad na ito, muling pinagtibay ng AFAB ang kanilang pangako sa maayos at matibay na pakikipagtulungan sa LGU Mariveles bilang mahalagang katuwang sa pagpapalakas ng ekonomiya at kaunlarang panlipunan ng Freeport Area of Bataan.

Binigyang-diin ng magkabilang panig ang kahalagahan ng patuloy na kooperasyon upang makamit ang pangmatagalang pag-unlad at tagumpay ng komunidad.

Sa pagpupulong, kinilala ang pagkakaisa ng mga layunin ng AFAB at LGU Mariveles, na patuloy na nagtutulungan para sa pag-usbong ng FAB bilang isang mahalagang sentro ng industriya sa bansa.

The post Pulong para sa patuloy na pag-unlad ng Freeport Area of Bataan appeared first on 1Bataan.